နေ့စဉ်အလုပ်များစွာပြီးအောင်လုပ်နိုင်သူတွေရဲ့အမူအကျင့်များ

လူတွေမှာ တစ်ယောက်နဲ့တစ်ယောက်အလုပ်လုပ်နိုင်တဲ့စွမ်းရည်တွေမတူကြတဲ့အတွက်ရလဒ်တွေလည်းမတူညီကြပါဘူး။ ဒါပေမယ့် အဲဒီလို ထူးချွန်တဲ့သူတွေ၊အလုပ်တွေအများကြီးပြီးအောင်လုပ်နိုင်တဲ့သူတွေမှာနည်းလမ်းကောင်းလေးတွေရှိ ပါတယ်။ အဲဒီနည်းလမ်းတွေကို Shwemom ပရိသတ်ကြီးလေ့လာနိုင်အောင် ဖော်ပြပေးလိုက်ပါတယ်။

(၁)အစီအစဉ်ရေးဆွဲခြင်း

 

အလုပ်တစ်ခုကို လုပ်တဲ့အခါ အမြဲတမ်းအံ့ဝင်ခွင်ကျမဖြစ်နိုင်ပေမယ့် များသောအားဖြင့် အစီအစဉ်အသေးစိတ်ရေးဆွဲပြီး ကြိုတင်ပြင်ဆင်တာကလုပ်ငန်းပြီးမြောက်အောင်မြင်ဖို့ရာခိုင်နှုန်းများပါတယ်။ဒါကြောင့် နေ့စဉ်အလုပ်တွေများစွာပြီးမြောက်အောင်မြင်နေသူတွေရဲ့ လျှို့ဝှက်ချက်တွေထဲမှာ လုပ်ငန်းစဉ်တွေနဲ့ပတ်သက်ပြီးအသေးစိတ်အစီအစဉ်ရေးဆွဲခြင်း ကလည်းတစ်ချက်ပါဝင်နေပါတယ်။

(၂)ဦးစားပေးဆောင်ရွက်ခြင်း

ဒီအချက်ကတော့အရေးကြီးပါတယ်။အောင်မြင်တဲ့သူတွေက အခက်ခဲဆုံးအလုပ်တွေကိုအရင်ဆုံးဦးစားပေးလုပ်ကြတယ်။ အဲဒီနောက် သိပ်မခက်ခဲပေမယ့်အရေးကြီးတဲ့လုပ်ငန်းတွေကိုလုပ်ကြတယ်။တစ်နေ့တာအတွက်အလုပ်သိမ်းချိန်နီးနေပြီ ဆိုရင်တော့ ကျန်တဲ့အချိန်အနည်းငယ်မှာ အရေးသိပ်မကြီးပေမယ့်လုပ်ဖို့လိုအပ်တဲ့လုပ်ငန်းတွေကိုလုပ်ကြတယ်။ဒီလိုနည်း နဲ့အဆင့်အလိုက်ဦးစားပေးဆောင်ရွက်ကြတဲ့အတွက်တစ်နေ့တာအလုပ်တွေကိုပြီးမြောက်အောင်မြင်အောင်လုပ်ကိုင်နိုင်ကြခြင်းဖြစ်ပါတယ်။

(၃)နောက်နေ့အတွက်ကြိုတင်ပြင်ဆင်ခြင်း

အလုပ်ကို စနစ်တကျလုပ်ကိုင်တဲ့သူတွေအတွက်နောက်တစ်နေ့အစီအစဉ်ဆိုတာအမြဲတမ်းကြိုတင်ရေးဆွဲထား ပြီးဖြစ်ပါတယ်။သူတို့ဟာ ဒီနေ့အတွက်အကောင်းဆုံးလုပ်နိုင်ခဲ့သလို နောက်နေ့အတွက်လည်းကြိုတင်ပြင်ဆင် ထားနိုင်ခဲ့ကြတဲ့အတွက် နောက်တစ်နေ့မှာအလုပ်ကို အဆင်ပြေဆုံးစတင်လုပ်ကိုင်နိုင်ခြင်းဖြစ်ပါတယ်။

(၄)အလုပ်ကို စုပေါင်းမလုပ်ခြင်း

တစ်နေ့တာလုပ်ငန်းတွေကို ပြီးမြောက်အောင်လုပ်ကိုင်နိုင်တဲ့အတွက် သူတို့မှာအလုပ်အကြွေးဆိုတာမရှိသလောက်ပါပဲ။ သူတို့ရဲ့ လုပ်ငန်းလည်ပတ်မှုကို မျှတအောင်ထိန်းထားနိုင်တဲ့အတွက် အလုပ်စုပုံလုပ်ရတယ်ဆိုတာမရှိပါဘူး။အဲဒီလို မဖြစ်အောင်လည်း အထက်မှာပြောခဲ့တဲ့အချက်တွေနဲ့စနစ်တကျလုပ်ကိုင်ခြင်းဖြစ်ပါတယ်။

READ
တစ်ပတ်မှာ(၄)ရက်သာ အလုပ်လုပ်သင့်လို့ သိပ္ပံပညာရှင်တွေပြော

(၅)လုပ်ငန်းများခွဲဝေပေးခြင်း

လူတိုင်းက စူပါပါဝါရှိကြတဲ့သူတွေတော့မဟုတ်ပါဘူး။ဒါကြောင့်အလုပ်ကိုစနစ်တကျလုပ်ကိုင်ပြီး နေ့စဉ်တာဝန်တွေမလစ် ဟင်းအောင်လုပ်ဆောင်နိုင်တဲ့သူတွေကရပိုင်ခွင့်နဲ့အညီတာဝန်ယူမှု၊တာဝန်ခံမှုကိုလည်းမျှတအောင်အသုံးချနိုင်တဲ့သူတွေပါ။လုပ်ငန်း တစ်ခုကိုဦးဆောင်နေတဲ့သူဆိုရင်တော့ သူ့ရဲ့လက်အောက်ငယ်သားတွေနဲ့ ရာထူးအလိုက်မျှတတဲ့ တာဝန်ခွဲဝေမှုတွေကို အသုံးပြုတဲ့အတွက် လုပ်ငန်းတိုးတက်အောင်မြင်နေခြင်းဖြစ်ပါတယ်။

ခြူးသစ်န်ွယ်@ChoChoThan(Shwemom)

ref:amerikanki.com

SHARE