အလုပ်လက်မခံမီ မေးသင့်တဲ့ မေးခွန်း(၅)ခု

အလုပ်တစ်ခုကိုကိုယ်ကသွားပြီးလုပ်ပါရစေဆိုပြီးကမ်းလှမ်းတာပဲဖြစ်ဖြစ်၊ကိုယ့်ကိုအလုပ်လာအပ်တာပဲဖြစ်ဖြစ်အလုပ်ပေးသူနဲ့လက်ခံသူကြားမှာ သိထားသင့်တဲ့ကျင့်ဝတ်စည်းကမ်းလေးတွေရှိပါတယ်။တခါတလေ အဲဒီလိုအလုပ်ကမ်းလှမ်းသူနဲ့ အလုပ်လက်ခံသူကြား ဆွေးနွေးညှိနှိုင်းခြင်းမရှိတဲ့အတွက်အလုပ်မပြီးခင်ဒါမှမဟုတ်အလုပ်ပြီးသွားမှစည်းကမ်းသတ်မှတ်ချက်တွေပြောင်းသွားတာမျိုး၊ပျက်သွားတာမျိုးကြောင့် နှစ်ဦးနှစ်ဖက်ဆက်ဆံရေးကိုပျက်စီးတာတွေမြင်ဖူးကြုံဖူးကြမှာပါ။တကယ်လို့အလုပ်ကမ်းလှမ်းသူဘက်ကဒီအချက်တွေကိုအလိုက်တသိပြောလာခြင်းမရှိဘူးဆိုရင်တော့ကိုယ့်ဘက်ကစပြီးဆွေးနွေးညှိနှိုင်းဖို့လိုပါတယ်။အဲဒီလိုအလုပ်လက်မခံမီ မေးသင့်တဲ့မေးခွန်းလေးတွေကိုလေ့လာနိုင်အောင်Shwemomကနေဖော်ပြပေးလိုက်ပါတယ်။

ဦးဆောင်ညွန်ကြားမှု

ဆရာများသားသေဆိုတဲ့စကားကိုရင်းနှီးပြီးသားဖြစ်မှာပါ။ကိုယ်လုပ်မယ့်လုပ်ငန်းမှာဘယ်သူကတိုက်ရိုက်ညွှန်ကြားမှာလဲ၊ကိုယ်ယူရတဲ့တာဝန်နဲ့ပတ်သက်တဲ့ကိစ္စအ၀၀ကိုဘယ်သူနဲ့ဆွေးနွေးတိုင်ပင်လုပ်ဆောင်ရမလဲဆိုတာတိတိကျကျမေးဖို့လိုပါတယ်။ဘယ်လိုအဖွဲ့အစည်းလဲ၊ဘယ်သူအုပ်ချုပ်တဲ့လုပ်ငန်းလဲဆိုတာလည်းသိဖို့လိုပါတယ်။တခါတလေလုပ်ငန်းစီမံခန့်ခွဲမှုညံ့ဖျင်းတာကြောင့် တာဝန်ယူလုပ်ဆောင်ရတဲ့အပိုင်းတွေမှာ အခက်အခဲတွေကြုံရတတ်ပါတယ်။

လုပ်ငန်းစီးဆင်းမှု

တခါတလေအဖွဲ့အစည်းအတွင်းမချိတ်ဆက်မိတာတွေကြောင့်လုပ်ငန်းကွာဟမှုတွေကြုံရတာမျိုးတွေရှိပါတယ်။အုပ်ချုပ်သူနဲ့ သူ့အောက်က၀န်ထမ်းတွေရဲ့ဆက်သွယ်မှု၊ကိုယ်ပါဝင်ရတဲ့အပိုင်းမှာလုပ်ငန်းနဲ့ပတ်သက်ပြီးဆက်သွယ်ဆောင်ရွက်မှု၊ကိုယ်အလုပ်အပ်တဲ့အခါ ဘယ်လိုလုပ်ငန်းစဉ်တွေနဲ့သွားလဲ စတာတွေကို သေချာမေးမြန်းဖို့လိုပါတယ်။

လုပ်ငန်းရပ်တည်ချက်

အဖွဲ့အစည်း၊ကုမ္ပဏီတို့ကအလုပ်ကိုလက်ခံမယ်ဆိုရင်အဲဒီအဖွဲ့အစည်း၊အလုပ်အပ်တဲ့ကုမ္ပဏီရဲ့ရပ်တည်ချက်ကိုလည်းတစ်ချက်စုံစမ်းမေးမြန်းထားဖို့လိုပါတယ်။လိုအပ်ရင်အလုပ်ကမ်းလှမ်းသူကိုတိုက်ရိုက်ပွင့်ပွင့်လင်းလင်းမေးပါ။ကိုယ်လုပ်တဲ့လုပ်ငန်းဟာဘယ်လိုရပ်တည်ချက်မျိုး၊ရည်ရွယ်ချက်မျိုးနဲ့သွားနေလဲဆိုတာသိမှကိုယ့်အနေနဲ့ဘယ်လိုအကောင်းဆုံးဖြစ်အောင်ကြိုးစားရမယ်ဆိုတာသိနိုင်မှာပါ။

နောက်ခံသမိုင်းကြောင်း

တချို့အလုပ်လက်ခံတဲ့အခါ ရေတို၊ရေရှည်စီမံကိန်းဆိုပြီးအမျိုးအစားအလိုက်လုပ်ရတဲ့လုပ်ငန်းတွေရှိပါတယ်။ရေရှည်သွားနေတဲ့ လုပ်ငန်းဆိုရင်လုပ်ငန်းရပ်တည်ချက်သာမက သူ့ရဲ့နောက်ခံသမိုင်းကြောင်းကိုပါသိထားဖို့လိုပါတယ်။တခါတလေ လတ်တလောရည်ရွယ်ချက်ကောင်းကောင်းနဲ့သွားနေပေမယ့်ကျန်ခဲ့တဲ့ နောက်ခံသမိုင်းကြောင်းတွေကိုခြေရာကောက်ပြီးဖြစ်ပေါ်တဲ့ ကိစ္စရပ်တွေရုတ်တရက်ပေါ်လာတဲ့အခါ ကိုယ့်အနေနဲ့ ဘယ်လိုပြင်ဆင်ပါဝင်ဖို့လိုတယ်ဆိုတာသိနိုင်မှာပါ။

လူမှုဆက်ဆံရေး

လုပ်ငန်းခွင်တစ်ခုမှာဝင်ငွေကောင်းရုံ၊လုပ်ငန်းကျွမ်းကျင်နေရုံနဲ့ပြည့်စုံပြီလို့ပြောလို့မရပါဘူး။လုပ်ငန်းခွင်ကလူတွေနဲ့အဆင်ပြေဖို့လည်းအရေးကြီးပါသေးတယ်။ကိုယ်လက်ခံတဲ့အလုပ်က အိမ်မှာပဲယူလုပ်လို့ရတယ်ဆိုရင် ပြဿနာမရှိနိုင်ပေမယ့် လုပ်ငန်းခွင်မှာအားလုံးပူးပေါင်းလုပ်ဆောင်ရတဲ့လုပ်ငန်းမျိုးဆိုရင်အဲဒီလုပ်ငန်းခွင်ကလူတွေရဲ့သဘောသဘာဝကိုလည်းသိထားဖို့ စုံစမ်းမေးမြန်းထားဖို့လိုပါတယ်။

ခြူးသစ်နွယ်@ChoChoThan(Shwemom)

ref:lifehack.org

SHARE