မိခင်အရင်းက သားသမီး(7)ယောက်နဲ့ တူမတစ်ယောက်ကို ၀ိဉာဉ်ပူးနေသည်ဟုဆိုပြီး သတ်ပစ်ခဲ့

သြစတေးလျနိုင်ငံ Cairns, Queensland မှာ နေထိုင်တဲ့ အသက် 37 နှစ်အရွယ် Schizophrenic Raina Thaiday (ခ) Mersane Warria လို့ အမည်ရတဲ့ အမျိုးသမီးဟာ သူမရဲ့ သားသမီးအရင်းတွေအားလုံးကို ၀ိဉာဉ်ပူးအောင်းနေ
သည်ဟုဆိုကာ ဓားနဲ့ရက်ရက်စက်စက် ခုတ်သတ်ခဲ့ပါတယ်။ ဒါ့အပြင် သူမကိုယ်တိုင်လည်း ၀ိဉာဉ်ပူးအောင်းခံနေရပြီလို့ ယူဆပြီး ဓားနဲ့ 25 ချက်အထိ လှီးခဲ့တယ်လို့ သိရပါတယ်။

သေဆုံးသူတွေထဲမှာ အသက် 14 နှစ်အရွယ် သားအကြီးဆုံးနဲ့ အသက် 2 နှစ်အရွယ် သားအငယ်ဆုံးအထိ ပါဝင်ပါတယ်။ ဒီအဖြစ်အပျက်ဟာ 2014 ခုနှစ် ဒီဇင်ဘာလ 19 ရက်နေ့မှာ ဖြစ်ပွားခဲ့တာ ဖြစ်ပြီး၊ သြစတေးလျှနိုင်ငံရဲ့ အကြီးမားဆုံး ရာဇ၀တ်မှုတွေထဲက တစ်ခုအဖြစ် မှတ်တမ်းတင်ခံခဲ့ရတဲ့အထိ ဖြစ်ခဲ့ရပါတယ်။

ဒါပေမယ့် တရားရုံးကတော့ တရားခံ Raina ဟာ စိတ်ပိုင်းဆိုင်ရာရောဂါ ပြင်းထန်စွာ ခံစားနေရလို့၊ တရားခွင်ကို တက် ရောက် ကြားနာဖို့ မလိုအပ်ဘူးလို့ ဥပဒေအရ ကင်းလွတ်ခွင့်ပြုခဲ့ပါတယ်။ Queensland State Mental Health Court ကလည်း တရားခံ Raina ဟာ ပြီးခဲ့တဲ့နှစ်ကတည်းက ပြင်းထန်စိတ်ရောဂါ  Schizophrenia ကို ခံစားနေရ ကြောင်း အတည်ပြုခဲ့ပါတယ်။

READ
FBပေါ်ပုံတင်လိုက်တဲ့ပုံကြောင့် လင်ငယ်နေတဲ့သတင်းပေါ်သွားတဲ့အမျိုးသမီး

တရားရုံးရဲ့ အမှုသွားအမှုလာတွေ့ရှိချက်အရ Raina ဟာ သူမရဲ့ သားသမီးတွေကို ၀ိဉာဉ်တွေလို့ မြင်နေခဲ့ကြောင်း၊ သူမကိုယ်တိုင်လည်း အပူးအောင်း ခံခဲ့ရတယ်လို့ ယုံကြည်ကြောင်း၊ ဒီပြစ်မှုကို ကျူးလွန်ရခြင်းမှာလည်း သားသမီးတွေကို မကောင်းဆိုးဝါးတွေ လက်မှ ကာကွယ်ဖို့ ဖြစ်ကြောင်း စသဖြင့် တွေ့ရှိခဲ့ရတယ်လို့ သိရပါတယ်။

Raina ဟာ စ်ိတ်ဒဏ်ရာအမျိုးမျိုးကြောင့် တစ်နေ့လျှင် ဆေးရွက်ခြောက်နဲ့ ပြုလုပ်ထားတဲ့ ဆေးလိပ် အလိပ် 20 အထိ အသုံးပြုခဲ့ပြီး၊ ကာလ ရှည်ကြာလာတဲ့အခါမှာ Schizophrenia ရောဂါကို ခံစားခဲ့ရတာပါ။ သူမဟာ အရင်ဦးဆုံး အိမ်မှာ
မွေးထားတဲ့ ဘဲတစ်ကောင်ကို သတ်ပစ်ခဲ့ပြီးမှ ကလေး ကျား (4) ယောက်၊ မ (4) ယောက်ကို သတ်ခဲ့တာပါ။ အဲဒီနောက် မိမိဘာသာ ဓားနဲ့ပြန်လှီးခဲ့ပါတယ်။

Raina ဟာ သွေးအလိမ်းလိမ်းနဲ့ ၀ရံတာမှာ လဲကျနေတာကို အပြင်ကနေ ပြန်လာတဲ့ သားဖြစ်သူ Lewis (20) နှစ်က  တွေ့ရှိခဲ့ပြီး ရဲစခန်းကို အကြောင်းကြားခဲ့ပါတယ်။ အိမ်ထဲမှာလည်း ကလေးတွေဟာ သွေးအိုင်ထဲမှာ သေဆုံးနေကြပါ တယ်။ ကလေးတစ်ယောက်မှာ အနည်းဆုံး ဓားဒဏ်ရာ အချက် 20 ခန့် ရခဲ့ပြီး၊ ကလေးတစ်ယောက်မှာတော့ ကျောမှာ ဓားဒဏ်ရာ 10 ချက်၊ ရှေ့ပိုင်းမှာ ဓားဒဏ်ရာ 12 ချက်နဲ့ အသက်ထွက်နေတယ်လို့ ရဲတပ်ဖွဲ့က အတည်ပြုခဲ့ပါတယ်။

READ
ထူးဆန်းတဲ့ရောဂါကြောင့် ခန္ဓာကိုယ်တဖြေးဖြေးသေးလာတဲ့အမျိူးသမီး
သေဆုံးသွားသူများ (ထိုင်လျှက် ယာဘက်ဒုတိယ ကောင်မလေးမှာ တရားခံ၏ တူမဖြစ်သည်)

တရားခံ Raina ကို စိတ်ရောဂါကု ဆေးရုံမှာ အစောင့်အကြပ်နဲ့ ထိန်းချုပ်ထားသည့် ကြားက အဖော်ဖြစ်သူ အခြားစိတ်ဝေ ဒနာရှင်တစ်ဦးကို သတ်ဖို့ ကြိုးစားခဲ့သေးတယ်လို့ သိရပါတယ်။ ဒါကြောင့် သူမကို လုံခြုံရေးတင်းတင်းကြပ်ကြပ်နဲ့ ထိန်းသိမ်းထားရပါတယ်။

စိတ်ဝေဒနာသည် တရားခံ Reina

ပြီးခဲ့တဲ့လမှာပဲ ဒီအမှုကို စီရင်ချက် ချခဲ့ပြီး  သြစတေးလျဥပဒေအရ ပြစ်မှုကျူးလွန်သူဟာ စိတ်ဝေဒနာရှင် ဖြစ်နေလို့ တရားခံ Raina ရဲ့ အမှုကို ကွင်းလုံးချွတ် လွှတ်ပေးခဲ့ရပါတယ်။ သို့သော် တရားရုံးက အန္တရာယ်ရှိတဲ့ စိတ်ဝေဒနာရှင် ဖြစ်
တဲ့ Raina ကို အထူလုံခြုံရေးတင်းကြပ်ထားတဲ့ စိတ်ဝေဒနာကုသဆောင်မှာ ဆက်လက်ထိန်းသိမ်းထားတယ်လို့ သိရပါ တယ်။ သေဆုံးခဲ့တဲ့ ကလေးတွေရဲ့ အမည်ကို အသက်အစဉ်လိုက် ဖော်ပြလိုက်ပါတယ်။ Malili, Angelina, Shantae, Rayden, Azariah, Daniel, Rodney နဲ့ Patrenella တို့ ဖြစ်ပါတယ်။

ညီလင်းထက် (Shwemom)

source : thesun.co.uk

 

SHARE