အိမ်သူနဲ့ ပဋိပက္ခဖြစ်ရင် အမျိုးသားတွေက ‘မှားပါတယ်’လို့ ၀န်မခံကြရခြင်းအကြောင်းရင်း

လင်နဲ့မယားပဲဖြစ်ဖြစ်၊ ချစ်သူဘ၀မှာပဲ ရှိသေးတဲ့ အတွဲတွေပဲဖြစ်ဖြစ် တစ်ယောက်နဲ့တစ်ယောက် ခွန်းကြီးခွန်းငယ် စကားများကြလေ့ ရှိပါတယ်။ ဒီလို အတွေ့အကြုံကို စုံတွဲတိုင်း မကင်းနိုင်ကြပါဘူး။ ထုံးစံအတိုင်းဆိုရင် တစ်ယောက် ယောက်က အလျှော့ပေးလိုက်မှ ပဋိပက္ခ ချုပ်ငြိမ်းကြပါတယ်။

ဒါပေမယ့် စုံတွဲတွေကို လေ့လာလိုက်တဲ့အခါမှာ “ငါမှားပါတယ်”လို့ ၀န်ခံကြသူ အများစုဟာ အမျိုးသမီးတွေသာ ဖြစ်လေ့ရှိ ပါတယ်။ အမျိုးသားအများစုကတော့ ဖြစ်တဲ့ပြဿနာမှာ သူတို့ဘက်က မှားနေတယ်ဆိုရင်တောင်မှ ခေါင်းမာသူများလို့ ခံယူပြီး သိသိကြီးနဲ့ ၀န်မခံဘဲ စကားရည်လုပွဲကို အနိုင်ရအောင် ငြင်းတတ်ကြကြောင်း တွေ့ရှိရပါတယ်။

ဒါပေမယ့် ယောက်ျားတိုင်း အငြင်းသန်တယ်လို့ ဆိုလိုတာ မဟုတ်ပါဘူး။ ယောက်ျားတွေမှာလည်း တစ်ချို့ အေးတိအေး
စက်နဲ့ ဘာကိုမှ ပြဿနာမလုပ်တတ်တဲ့သူတွေလည်း အများကြီး ရှိနေပါတယ်။ သို့သော် အငြင်းသန်တဲ့ ပြဿနာကို မီးခွက်ထွန်းရှာပြီး ပဋိပက္ခဖန်တီးလေ့ရှိတဲ့ အမျိုးသားတိုင်းမှာ တူညီတဲ့ ခန္ဓာဗေဒဆိုင်ရာ ပြောင်းလဲမှု တစ်ခုရှိပါတယ်။

READ
မိကျောင်းနဲ့ပတ်သက်တဲ့ ဗဟုသုတများ

Elite Daily ရဲ့ ဖော်ပြချက်အရ Testosterone levels သာမာန်ထက် မြင့်မားနေတဲ့ အမျိုးသားတွေဟာ ခေါင်းမာလေ့ရှိ ကြပြီး၊ အငြင်းအခုန် ထူခြင်းနဲ့လည်း ဆက်စပ်မှုတွေရှိကြောင်း တွေ့ရှိခဲ့ရတယ်လို့ ဆိုပါတယ်။ သူတို့စိတ်ထဲမှာ အရာရာကို သူတို့ကသာ အမှန်လို့ ထင်လေ့ရှိပြီး၊ မှားတယ်ဆိုရင်လည်း ဘယ်တော့မှ ၀န်မခံတတ်ကြပါဘူး။

ပါမောက္ခ Colin Camerer က ” Testosterone မြင့်မားခြင်းက ဦးနှောက်က မှားပါတယ်လို့ သိထားတဲ့အချက်တွေ ကိုတောင် အမှန်တွေပဲလို့ မြင်မိစေအောင် လျှပ်တစ်ပြတ် ဆုံးဖြတ်ချက်တွေကို ပြုလုပ်စေပါတယ် .. ဒီ Testosterone ဟာ ခေါင်းမာမှုရဲ့ အရင်းခံဖြစ်ပြီး၊ Level မြင့်ရင် မြင့်သလောက် ဦးနှောက်ဆီကို အမှန်အတိုင်း ပို့တဲ့အချက်အလတ်တွေကို ဖြတ်တောက်ပစ်ပြီး … ငါ အမှန်ပဲ ဆိုတဲ့ စိတ်ပိုင်းဆိုင်ရာ လွှမ်းမိုးမှုကို ခိုင်မာစေပါတယ် “လို့ ရှင်းပြခဲ့ပါတယ်။

READ
ကမ္ဘာ့ဈေးအကြီးဆုံး ဆိုင်ကယ်များ

Testosterone မြင့်မားလှတဲ့ အမျိုးသားတွေကို သီးသန့်စစ်တမ်းကောက်ကြည့်တဲ့အခါမှာလည်း 20% ဟာ သူတို့ ဘယ်လောက်ပဲ မှားနေပါစေ၊ အမှန်ဖြစ်ကြောင်း ခိုင်ခိုင်မာမာ ယုံကြည်ကြတယ်လို့ သိရပါတယ်။ ဒါ့အပြင် အဲဒီအမှားကို
တောင်မှ ဆင်ခြေဆင်လက် ပြည့်စုံစွာနဲ့ သူ မှန်ကြောင်း အတင်းဇွတ်ငြင်းတဲ့ သူတွေလည်း ရှိတယ်လို့ ဆိုပါတယ်။ တကယ်တော့ အမျိုးသားတော်တော်များများ အိမ်သူ/ချစ်သူနဲ့ စကားများတဲ့အခါ သူတို့ဘက်က မှားကြောင်း မတောင်းပန်တတ်တာ  Testosterone မြင့်မားခြင်းကြောင့်သာ ဖြစ်တယ်လို့ ဆိုရမှာပါ။

ညီလင်းထက် (Shwemom)

source : mirror.co.uk

SHARE